सरकार गठन गर्न थप न ३ दिन म्याद

नेकपा माओवादीका अध्यक्ष प्रचण्डले राष्ट्रपति भवन शितलनिवासमा गई राष्ट्रपति यादवसँग सरकार गठनको लागि थप तीन दिन माग गर्नु भए पछि राष्ट्रपति डा. रामबरण यादवले नयाँ सरकार गठनका लागि राजनीतिक दलहरुलाई सहमति जुटाउन थप तीन दिनको म्याद दिनुभएको छ ।सरकार गठन गर्न राष्ट्रपति यादवले गर्नुभएको आह्रवानको म्याद सकिएपछि थप तीन दिनको म्यादको लागि अध्यक्ष प्रचण्डले राष्ट्रपति यादवसँग भेट गर्नुभएको हो । प्रमुख राजनीतिक दलहरुबीच सहमति जुट्न नसकेपछि थप गृहकार्यको लागि समय माग गरेको र तीन दिनभित्र सहमति हुने विश्वास पनि अध्यक्ष प्रचण्डले व्यक्त गर्नुभएको छ । यस अघि बसेको माओबादी, कांग्रेस एमाले र फोरमबीचको बैठकले राष्ट्रपति यादवसँग सरकार गठनको लागि थप तीन दिन माग गर्ने निर्णय गरेको थियो ।