प्रधानमन्त्री कोइरालाद्बारा राजीनामा

२०६५ असार १०
प्रधानमन्त्री गिरिजाप्रसाद कोइरालाले आज नयाँ वानेश्वर स्थित वीरेन्द्र अन्तराष्ट्रिय सम्मेलन केन्द्रमा बसेको संविधानसभाको बैठकबाट प्रधानमन्त्री पदबाट राजिनामा दिएका छन् । राजीनामाको करिब ५ मिनेट लामो लिखित पाठ शान्ति तथा पुननिर्माण मन्त्री रामचन्द्र पौडेललाइ पढ्न लगाउनु भएको थियो । कोइरालाले बैठकमा बिषेश समयलिएर बोल्दै आफु धेरै कुराबाट मुक्तहुन यहाँ आएको बताउँदै राजीनामा दिएर आफूलाइ हल्का महसुस भएको बताउनु भएको थियो । आफूलाई माईनस गरिएको गुनासो गर्दै कोईरालाले आफूलाई भूलेपनि सहमति, सहकार्य र एकताले नै नेपालको अस्तितव जोगाउने र देशको कल्याण हुने भन्दै सहमति र एकताको बाटोलाई नबिर्सन सबैलाई अपील पनि गर्नुभयो ।
माओवादी पार्टीलाई सरकार बनाउन आफूले दिएको बचन अनुसार आज राजिनामा दिएको र सरकारको तत्काल गठन गर्न समेत प्रधानमन्त्री कोइरालाले माओवादीलाई राजीनामा घोषणा गर्ने क्रममा आग्रह गरेको छ । कोइरालाले बिना रक्तपात राजा बाहिरिएको र नारायणहिटी दरवार संग्राहलय बनेकोमा खुसी ब्यक्त गर्नुभएको थियो । संविधान सभा सबै समस्या समाधान गर्ने ठाउँ भएको भन्दै प्रधानमन्त्री कोईरालाले आफू त्यही मान्यता अनुसार संविधान सभामा आएको बताउनुभयो । आफूलाई केही कुरामा दुख लागेको बताउँदै कोईरालाले सहमति, सहकार्य र एकता जिन्दाबाद भन्ने नाराका साथ सम्बोधनलाइ अन्त्य गर्नुभएको थियो ।प्रधानमन्त्री कोइरालाले करिब १० मिनेट बोल्नु भएको थियो ।