आजदेखि युरो कप २००८ शुरु

विश्वमै चर्चित युरोकपको सम्पूर्ण तयारी पूरा भईसकेको छ र युरोपियन फुटबलको उदघाटन खेल आज देखी स्विट्जरल्याण्डमा हुदैछ । च्याम्पियन सिपमा १६ वटा टिमलाई ४ समूहमा विभाजन गरिएको छ । युरोकप २००८ का खेलहरु स्विट्जरल्याण्ड र अष्ट्रियामा खेलाइने छ ।

उदघाटन खेल आज स्विट्जरल्याण्डमा हुने छ भने फाइनल अष्ट्रियाको भियनामा हुनेछ । फाइनल खेल नेपाली क्यालेन्डर अनुसार असार १५ गते आइतबार राती १२:३० बजे हुनेछ ।

कुन समुहमा कुन कुन देश भिड्दै छन त ??

समुह ए चेक गणतन्त्र, पोर्चुगल, स्विट्जरल्याण्ड र टर्की

समुह बी अष्ट्रिया, क्रोएसिया, जर्मनी र पोल्याण्ड

समुह सी फान्स, इटली, नेदरल्याण्ड र रोमानिया

समुह डी ग्रिस, रसिया, स्पेन र स्विडेन

प्रत्येक समुहबाट २ वटा टीम क्वाटर फाइनलमा प्रवेश गर्नेछ । समुहमा विजेता र उपविजेताले क्वाटरफाइनल प्रवेश गरेपछि क्वाटरफाइनलमा जम्मा ८ वटा टीमले प्रतिस्पर्धा गर्नेछन् । उनीहरु मध्ये सेमीफाइनलमा जम्मा ४ वटा टीमले आफ्नो स्थान बनाउने छन् र अन्तमा फाइनलको लागि २ वटा टिम भिडन्त हुनेछ ।