अश्लील साइटमा प्रतिबन्ध

सरकारले ईन्टरनेटबाट प्रसारण हुने अश्लील वेबसाईटहरुमा प्रतिबन्ध लगाएको छ । नाङगा र अश्लील सामाग्रीले समाजमा उछ्रिङ्गलता उत्पन्न गराइ शान्तिसुरक्षामा गम्भिर असर परेको भन्दै बुधवार देखीनै यस्तो साईटहरुमा प्रतिबन्ध लगाइएको हो ।
गृहमन्त्रालयमा बुधवार बसेको शान्तिसुरक्षा महाशाखाको बैठकले अश्लील र नाङगा साईटहरुमा प्रतिबन्ध लगाउने निर्णय गरेको हो । मन्त्रालयले बुधवार नै नेपाल दुरसन्चार प्राधिकरणलाई पत्र लेखी नाङगा र अश्लील साईटहरु तुरुन्त बन्द गराउन निर्देशन दिएको शान्तिसुरक्षा महाशाखाका उपसचिब एकमणी नेपालले जानकारी दिए । बिद्दुतिय कारोबार ऐन , २०६३ अनुसार यसरी अश्लील सामाग्री प्रसारण गरी गैरकानुनी कार्य गर्ने ब्यक्तीलाई एक लाख सम्म जरिवाना र पाँच बर्ष सम्म कैद गर्न सकिने ब्यवस्था छ ।
"हामी बिहीवारदेखि नै यसको कडा कार्यान्वयनमा जान्छौ, यदि कसैले उल्लंघन गरेमा कडा कार्यवाही गर्छौ", उपसचिब नेपालले भने । उपसचिब नेपालका अनुसार यस्ता अश्लील साईटहरु बन्द गराउन गृह मन्त्रालयमा उजुरीको ओईरो लागेको थियो । बिशेष गरी जवान छोराछोरीका अभिबावकले गृह मन्त्रालयमा उजिरी गरेका थिए ।गृह मन्त्रालयले त्यस्ता साईटहरु हेरे पछि युवायुवतीहरुमा अपराधिक मनोबिज्ञानमा बृदि भएको समेट पाइएको बताएको छ । मन्त्रालयले गरेको एक अध्ययन अनुसार शहरबजारमा हुने अपराध मध्य झन्डै आधा जती अपराध नाङो तश्बिर र अश्लील साईटहरुको कारण हुने गरेको पाईएको छ । यौन र नाङगा प्रब्रित्तीका वेबसाईटहरु ठुलो सँख्यामा प्रसारणमा छन । गृह मन्त्रालयले ति वेबसाईटहरु कसले कहाँ बाट सन्चालन गरिरहेको छ भन्ने बारेमा पनि गोप्य अनुसन्धान गर्दै आईरहेको छ । "निर्देशनको अटेर गर्ने माथि छानबिन र अनुसन्धान गरी कारबाही प्रकृया तत्काल अघि बढाउछौं", उपसचिब नेपालले भने ।
गृहमन्त्रालयले यसअघि नै फेसबुक सन्चालन बाट नेपाल प्रहरीमा बिकृति उत्पन्न भएको भन्दै प्रहरी प्रधान कार्यालयमा फेसबुक सन्चालनमा रोक लगाइसकेको छ । यद्यपि सिंहदरवार लगाएत अन्य सरकारी कार्यालयहरुमा भने फेसबुक सन्चालनमा रोक लगाइएको छैन ।

साभार: नयाँ पत्रिका

हेरौं ईन्टरनेट संसारमा च्याउसरि उम्रेका र फली फूली सकेका यस्ता वेबसाईटहरुमा प्रतिबन्ध लगाउने गृहमन्त्रालयको निर्णय स्वागत गर्न योग्य नै छ तर कहिले देखी कार्यान्वयन हुन्छ तथा यस्ता कुन कुन साईटहरुमा प्रतिबन्ध लाग्छ त्यो भने हेर्न बाँकी नै छ ।